วันอาทิตย์ที่ 30 กันยายน พ.ศ. 2555

ตัวอย่างคำผญา

คำผญา
-   เจ้าผู้ผักอีตูเตี้ย ต้นต่ำใบดก กกบ่ทันฝังดินสังมาจีจูมดอก ฮากบ่ทันหยั่งพื้นสังมาปื้นป่งใบ
ความหมาย ดูอายุยังน้อย เพิ่งจะเป็นสาว ไฉนมีลูกแล้ว


- ใจบ่อปรีดานำ(นำ-ด้วย)เว้าแมนกะเป็นผิด ใจบ่ปรีดาดอม เว้าดีกะเป็นฮ้าย
ความหมาย (เว้า-พูด,ฮ้าย-ร้าย) ไม่รักไม่สนใจ พูดดีด้วยก็ไม่ฟัง

 
-น้องนั้นเปรียบดั่งเดือนอยู่ฟ้า
อากาศกว้างกลางหาว
กระต่ายโตต่ำต้อยบ่อาจเทียมพระจันทร์ได้
ความหมาย ชายหมายปองดอกฟ้า

-อ้ายนั้นคือหงส์ดำผ่าย เวหาเหิรเมฆ น้องคือกาดำปี้ บ่มีได้นั่งเทียมอ้ายเอย
ความหมาย หญิงหมายปองชายที่สูงศักดิ์

 
-ตั้งแต่เป็นสาวขึ้น บ่มีเครือสิเกี้ยวอุ้ม
ตั้งแต่เป็นพุ่มไม้ เครือสิเกี้ยวกะบ่มี
ความหมาย ตั้งแต่เป็นสาวขึ้นมายังไม่มีชายใดมาเกี้ยว

 
-ไผสิหลิง(หลิง..มอง)เห็นไส้ หัวใจนกขี้ถี่(นกขี่ถี่..นกถึดทือ) ปากมันฮ้องทึดทื้อใจมันเลี้ยวใส่กะปู (กะปู..ปูนา)
ความหมาย ใครอ่านใจใครไม่ออก ปากพูดอย่างใจอีกอย่าง

-อันว่ามาลานี้ ดวงหอมฮวดฮ่วง

ผู้ใดได้ดอมดม ชมแล้วบ่อยากหนี
ความหมาย ดอกไม้หมายถึงสตรี ใครได้เชยชมสมเสพแล้วย่อมดิ้นรนหาต่อไป ยากที่จะละเลยลืมเสียได้

ไม่มีความคิดเห็น:

แสดงความคิดเห็น

แสดงความคิดเห็น